إحنا كلنا بنحب بابا ديبي

بقلم عندليب كانم 19/3/2006
احنا كلنا بنحبك بابا ديبى وبنقولها بصوت واحد وباعلى صوت وكمان ندعى بالكسر على كل عدوينك من معارضة موجودة هنا ومن معارضة موجودة بالخارج ومن ناس لسع هتعارض وكلو بيجى ويمشى الا وشك يا ابو طلعة بهية يا رأس العصابة عفوا................يا راسنا وفخرنا واحنا كجماهير وراك مش قدامك لااننا مش حنعرف نمشى خطوة من غير ما تشلتنا وتضرب فينا واحنا وراك وعايز رضاك ورضا ماما حليمة كمان ........................................
ويموتو عدوينك يا بابا احنا مش عايزين غير بسمتك ورضاك ويابابا يا كبيرنا يا حرامى قصدى يا حنان واحنا وراك وبالموت نفديك بس بعيد عنك كمان ادينا حاجة مما اعطاك الله علشان نعرف نحارب زى الاوادم مش زى الجحوش وحنفديك يا سنبلة البركة والخير اللى عملتنا الهكرز واللصوصية والسرقات وعشت يا كايدهم من البحرين وحتى فرنسا وكلهم على الله يتربو فى عزك
وما تخافش ولا تسمع كلام حد من دول قال ايه قال حكمنا 16 سنة وعايزنا غيرك جاكم السم يا شعب يا غلابة يا ...............ولاد الايه فى حد يفرط فى راجل زى الريس الكبير ويفكر مجرد تفكير فى حكاية الاستقالة بتاعة ناس المعارضة ده
كل الارض بتشهد لفهلوتك وحنكتك السرقة عادتك والهف من صميم عملك والضرب بيد من حديد على مدخرات المواطنين ابرز ما يميز حكمك ولسع فى حاجات تانية كثيرة
والتزوير فى العملات اختصاصك واللى انتو نسيتو حكاية البحرين وكيف السيد الريس الكبير علمهم اصول اللعبة المالية وتروح البحرين وديناراتها واحنا كمان فى ستين داهية وتفضل يا كبير يا جربان قصدى يا حاكمنا يا بتاع كلو يا منبع الحكمة ومعين التجارب والابتكارات العظيمة وعقبال مأية سنة وعل الله نقدر نفك الطلاسمعبقريتك تجاوزت افريقيا للخليج والمنامة بس تقول ايه للشعب اللى لسع8 راكب راسه يركبهم العفاريت ان شاء الله
اللى زى حالاتنا المفروض نحمد ربنا على سيادتك ونشكر الف شكر على مجرد انك حاكمنا وتفضل تجرجر فينا وتبهدلنا لاننا اصلا مش وش نعمة احنا غاوين مرمطة وانتا اللى حتديهلنا
المعارضة شوية ناس طيبة ومستقيمة وعايزة تطرد
بس يقدرو يجاوبو على سؤال الامة بحالها فى حد يفرط فى واحد حرامى زى البيه الكبير وعازين تجيبو واحد وطنى ما ينفعش
وبتقولو مافيش امن ولا امان
واحنا بنقول مش عاوزين الامن والامان احنا مبسوطين كده فى ظل العهد الميمون بيدوك قفا على الصبح وقفا فى المساء وعاوزين اكتر من كده ايه يا ولاد الايه انتو شعب مفترى بجد
وكمان رايحين فين انتو بتنسو انا الشعب اللى زى حالاتنا المفروض نحمد ربنا على انه البيه الكبير بزات نفسه بيشرف على نهب البترول وسرقة الاموال لانه اكيد عنده حل معين واكيد عنده فى راسه فكرة جهنمية وممكن يرجع يوزعها لينا تانى
الله تفائلو بالخير تجدوه لزومه ايه الشوشرة والنقة الكتيرة فضحتونا مع العالمين وفضحتو البيه الكبير وهو ناقص فضائح يا عالم اختشو
لزومه ايه نوجع راس البيه الحرامى بحكاية عاوزين مية وكهرباء ومستشفيات وجامعات أمة شعب طماع بصحيح ومش مؤمن بقدره
وكمان تفترو على البيه الكبير وتقولو حرامى وبرت وسكران ويا عالم ايه مستخبى تانى
البيه الكبير له احتمالين لا ثالث لهما اما سعران واما سكران
فلما يكون على طول الخط سكران المفترض نسكت ماكلها كف هنا وشلوت هناك
وانت مش عاملين حساب لما يكون سعران ده بيفضل خطر على الامة والشعب والمجتمع الدولى وحتى على البئة فهمتو ولا عاوزين درس خصوصى بالشيئ الفلانى
وانا مش فاهم هو الشعب عايز كهرباء ليه ويرفس نعمة ربنا القمر ده بحالو مش مالى عيونكم ويعنى بالامارة كده انتو عاوزين تمشو فين فى الضلمة ولا انتو كمان يا شعب زى الريس بتوع لف ودوران فى انصاص الليالى
وكمان مش الدكاترة بيقولو نومو تصحو لزومو ايه الصعلكة فى الليل
وكمان مش المعارضة بتقول البيه الكبير يرتشى والعياذ بالله
يا ولاد الايه بتسموها بغير اسمها ليه الهدية وبتاع الزمالة وحق المعلوم والهشك بشك بتسموه انتو رشوة البيه الكبير عمره ماخد رشوة من حد وعمره ايدو ما امتدت للحرام لان الحرام بيجى لحد جيب البيه الكبير وبيخش بدون لا احم لا دستور تقدرو تقولو هو زنبه ايه وللمعلومية
البيه الكبير مش فاضى لينا ولافريقيا بحالها ده وقت كله تلفونات من الغرب وتلفونات من جنيف وايشى بنك يابانى وايشى بنك سويدى ده مشغول بالسعى للرزق بتزعجوه ليه
والبيه الكبير صاحب نظرية فريدة
ممكن تقولو ازاى
نقلكو وامرنا لله
ده عنده طريقة فريدة فى تشغيل الحرامية وبتوع السوابق فى الشرطة والجيش والامن العام وبكده ضرب عصفورين بحجر من جهة يطمن انهم تحت رعايتو ومن جهة بلاش رواتب وحوافز على وزارة المالية دول بياخذو حقهم وعلى داير المليم من الشعب ومباشرة شفتو العبقرية
يعنى بالعربى كده الراجل المناسب فى المكان المناسب
وعلى رأى المثل اعط الخبز لخبازه ولو شفطه كله احنا بالمناسبة محسودين على البيه الكبير ولازم نعض عليه بالسنان والايدى احسن لا يضيع مننا
وبعد عمر طويل يجينا البيه الصغير السى ابراهيم ده وله يجنن هو مش ولابد زى البيه الكبير بس فلتة وعامل رصيد فى البنك ادى كده اهو
يعنى مواهب شابة مش بتقولو ده عصر الشباب والموهبة
ولا حكاية التوريث ديه مش عاجباكو تمشو كلكو تشربو من بحيرة تشاد
يعنى حافظ الاسد احسن من البيه الكبير فى ايه فان كان الاولانى بيحرق بيروت ده البيه الكبير بيحرق دارفور كلها وما ترمش له عين
وكمان ابراهيم ناقصو ايه ولا انتو بس حسد وضغينة يا شعب يا وش المصائب
وكمان على رأى المثل جحا أولى بلحم توره ونحنا اولى بابراهيم
وعاش التنكة مع الجردل